Kräitlbrüa - nicht zu bestellen, da vollständig abrufbar -
von Tilo Gernert
Vor viela Johrn it`s übli g`wa
wenn Schlachttoch wor im Haus
it nei zon Pfarrn getrochn worn
a zünftier Festtochsschmaus
Do schreit a Vatter seina Buem
ihr zwä get emol rei
do it die Werscht und Kräitlbrüa
trocht sie ins Pfarrhaus nei
Der Andräs hat en Emer gricht
der Hannes es Paket
dann sen dia ohna lang zo murrn
ihrn weitn Ziel zuagstrebt
Doch auf`n Wach do tot der Hannes
im Bauch en Druck verspür
ar säicht ich muß schnall ins Gebüsch
sünst könnt nou wos passier
Der Andräs ment, ich gäh voraus
wennst ferti bist kummst noch
kerz drauf klopft er ans Pfarrhaus ou
und tot sei Sprüchla soch
Grüß Gott Herr Pfarrer, ich breng die Brüa
ich bin vo uns der erscht
und wenn der Hannes g`schissn hat
dann brengt er nou die Werscht
Der Pfarrer hat verduzt geguckt
dann hat er aufgelacht
mer sicht, bevor daß mer wos säicht
do g`hört erscht nochgedacht